کراچی (نیوز رپورٹر) جامعہ کراچی میں سلیکشن بورڈز شیڈول کے اجرا کے لیے احتجاجی تحریک کے سلسلہ میں اساتذہ آج  بھوک ہڑتال کریں گے۔ سیلیکشن بورڈز ایکشن کمیٹی کی  اپیل پر اساتذہ صبح 11 سے 2 بجے دوپہر تک انتظامی عمارت کے سبزہ زار میں علامتی بھوک ہڑتال پر بیٹھیں گے۔ کراچی یونیورسٹی کے اساتذہ پچھلے دو ماہ سے 2019 اشتہار کے لیے سیلیکشن بورڈز کے شیڈول کے اجرا کے مطالبے پر سراپا احتجاج ہیں۔ اس سلسلے میں ہفتہ وار احتجاج دو ماہ سے جاری ہے اور گزشتہ جمعرات کو بھرپور یوم سیاہ بھی منایا گیا ۔