لینڈ سلائیڈنگ بند سوات ایکسپریس وے کاٹلنگ و پلائی کے مقام سے بحال 

اسلام آباد(نمائندہ نوائے وقت)سوات ایکسپریس وے کاٹلنگ و پلائی کے مقام پر لینڈ سلائیڈنگ کی وجہ سے بند تھی ٹریفک کے لیے بحال کردی گئی ہے۔نیشنل ہائی ویز اینڈ موٹروے پولیس کے مطابق سڑک بند ہونے کی وجہ سے اسلام آباد اور پشاور سے آنے والی ٹریفک کو موٹروے پولیس کی جانب سے کاٹلنگ انٹرچینج سے گذرنا پڑ رہا تھا جبکہ سوات سے آنے والی ٹریفک چکدرہ کے مقام پر بند کر دی گئی تھی ۔سڑک کی صفائی کا کام مکمل کرلےا گےا ہے۔ عوام سے گذارش ہے کہ موسمی حالات کے پیش نظر غیر ضروری سفر سے گریز کریں۔ سفر شروع کرنے سے پہلے یا کسی مدد کی صورت میں موٹروے پولیس ہیلپ لائن 130 سے رابطہ کیا جا سکتا ہے۔
 ایکسپریس وے بحال