دشمن کا لاہور جم خانہ میں ناشتہ کا خواب افواج پاکستان نے چکنا چور کر دیا

ملتان(  سماجی رپورٹر )6ستمبر ہمیں اس دن کی یاد دلاتا ہے جب ہمارے ازلی دشمن بھارت نے رات کی تاریکی میں وطن عزیز پاکستان پر حملہ کیا لیکن ہماری سرحدوں کے محافظ جوان جاگ رہے تھے اور لاہور کے جم خانہ میں ناشتہ کرنے کے دشمن کے خواب کو چکنا چور کر دیا اسی جوش و جذبے کے پیش نظر قوم اپنی افواج کے شانہ بشانہ کھڑی ہو گئی تھی۔ ان خیالات کا اظہار شہری حقوق کونسل جنوبی پنجاب کے زیر اہتمام یوم دفاع پاکستان کے حوالے سے منعقدہ تقریب سے معظم کامران خان بابر ، ڈاکٹر فاروق لنگاہ ، عرفان الحق حقانی ، احسان خان سدوزئی ، جواد امین قریشی ، شیخ انعام اللہ ، خواجہ منور خورشید صدیقی ، خواجہ محمد ارشد صدیقی ، فرحان الحق حقانی ، محمد باسط نواز ، ڈاکٹر اعجاز رسول اور آصف خان نے اپنے الگ الگ خطاب میں کیا ۔