فش چوری کی وارداتوں کوایک ہفتے میں ٹریس کیا جائے :آر پی او ملتان

ملتان( نمائندہ خصوصی)ریجنل پولیس آفیسر رفعت مختار راجہ کی زیر صدارت کرائم میٹنگ کا انعقاد کیا گیا ، میٹنگ میں سٹی پولیس آفیسر خرم شہزاد حیدر ، ایس ایس پی آ پریشنز حسام بن اقبال ، ڈسٹرکٹ پولیس آفیسر خانیوال جلیل عمران و دیگر افسران نے شرکت کی۔ مییٹگ سے خطاب کرتے ہوئے آ ر پی او کا کہنا تھا کہ فش چوری وارداتوں میں ملوث ملزمان کی گرفتاری کیلئے مؤثر اقدامات کیے جائیں، فش چوری کی وارداتوں کو ٹریس کرنے کے لیے آ ر پی او نے متعلقہ پولیس افسران کو ایک ہفتے کا ٹائم دیا ہے ، انہوں نے گرفتار ی کے لیے خصوصی ٹیمیں بھی تشکیل دینے کی ہدایت کی ان کا کہنا تھا کہ متاثرہ علاقے میں گشت کے موثر نظام کے لیے اقدامات بھی کئے جائیں ، گشت کے تسلسل کو برقرار رکھا جائے، تاکہ وارداتوں کو کنٹرول کیا جا سکے۔