گوجرانوالہ (نمائندہ خصوصی )گوجرانوالہ چیمبر آف کامرس اینڈ انڈسٹری کے صدر شیخ فیصل ایوب ،سینئر نائب صدر حمیس گلزار مغل اور نائب صدر عادل ندیم نے مشترکہ بیان میں کہا ہے کہ ڈالر کی ایک بار پھر اونچی اڑان ،بزنس کمیونٹی پریشان ،ملکی معیشت کا کڑا امتحان ،نگران حکومتی کارکردگی پر سوالیہ نشان ہے ۔ڈالرکی مسلسل بڑھتی ہوئی قیمت ہماری معیشت جو کہ پہلے ہی تقریباً آخری سسکیاں لے رہی ہے مزید تنزلی کی طرف چلی جائے گی ،علاوہ ازیں ہمارے کاروباری حالات اس قدر پریشان کن ہو چکے ہیں کہ ایکسپورٹ اہداف کو پورا کرنا ناممکن ہو چکا ہے ۔روزانہ کی بنیاد پر ایکسپوٹ آرڈرز کے ریٹس میں تبدیلی کرنا پڑ رہی ہے جو کسی طرح بھی مناسب نہیں ۔