اسلام آباد (نوائے وقت رپورٹ) کاروباری شخصیت عقیل کریم ڈھیڈی نے نجی ٹی وی سے بات کرتے ہوئے کہا آرمی چیف سے تاجروں کی ملاقات میں شریک تھا۔ آرمی چیف سے سیاسی جماعتوں سے متعلق منسوب جملہ میں نے نہیں سنا۔ آرمی چیف نے یہ نہیں کہا کہ کوئی بھی سیاسی جماعت پاکستان سے مخلص نہیں۔ آرمی چیف نے کراچی کے حالات اور سمگلنگ روکنے کی بات کی۔ آرمی چیف نے چار لوگوں کے نام دیئے جو پاکستان میں سرمایہ کاری کریں گے۔ آرمی چیف سے ملاقات کے بعد سب کے مورال بہت بلند تھے۔ ہمیںدی گئی بریفنگ کے بعد فالو اپ بھی ہو رہا ہے۔ فالو اپ میں گزشتہ روز بھی میٹنگ ہوئی۔