لاکھوں کے ڈاکے، ماڈل ٹاؤن اور شمالی چھائونی سے گاڑیاں چوری 

لاہور (سٹاف رپورٹر) چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلوں اور گاڑیوں سمیت اور دیگر سامان لوٹ لیا گیا۔ تفصیلات کے مطابق اسلام پورہ میں منور سے 2لاکھ 15 ہزار اور موبائل فون، ہنجروال میں شاہد سے 2 لاکھ روپے اور موبائل فون، مزنگ میں فیصل سے ایک لاکھ 80ہزار روپے اور موبائل فون، کوٹ لکھپت میں توصیف سے ایک لاکھ 75ہزار روپے اور موبائل فون، سبزہ زار میں ہشام سے1 لاکھ 70 ہزار روپے اور موبائل فون، شاہدرہ میں عارف سے 1لاکھ 50 ہزار نقدی اور موبائل فون، ملت پارک میں ساجد سے 75ہزار روپے، موبائل فون اور دیگر سامان لوٹ لیا گیا۔ ماڈل ٹائون اور شمالی چھائونی سے گاڑیاں جبکہ بھاٹی گیٹ ٹائون شپ اور مانگا منڈی سے موٹر سائیکلیں چوری ہو گئیں۔