جشن عید میلاد النبیؐ کے جلوس کا آغاز12ربیع الاول کی صبح چونگی نمبر22 سے ہوگا

راولپنڈی(اپنے سٹاف رپورٹر سے)مرکزی جلوس میلاد کمیٹی کینٹ  نے جشن عید میلاد النبیؐ کے جلوس کے ضابطہ اخلاق اور روٹ کا علان کر دیا مرکزی جلوس میلاد کمیٹی کینٹ کا سالانہ اجلاس یہاں مرکزی جامع مسجد چونگی نمبر22 میں منعقد ہوا  جس میں  ممبر کینٹ بورڈ حاجی ظفر اقبال،مرکزی عہدیداران راجہ آصف علی خان،قاسم شاہ،رضا مصطفی نورانی،  حاجی مرتضیٰ قادر،عامر صدیقی سمیت کینٹ کی تمام میلاد کمیٹیوں کے عہدیداران نے شرکت کی۔اجلاس میں متفقہ طور پر طے پایا کہ اس مرتبہ بھی جشن عید میلاد النبی ؐ کے جلوس کا آغاز بارہ ربیع الاول  صبح  چونگی نمبر بائیس سے ہوگا  اورجلوس ٹینچ بھاٹہ،قصائی چوک،آخری بس سٹاپ، ڈھوک سیداں چوک،گروٹی،کمال آباد،کلمہ چوک سے ہوتا ہوا واپس  صدر جا کر اختتام پزیر ہو گا۔ جلوس کے تمام راستوں اور گلی محلوں کو سجایا جائے گا استقبالیہ سٹیج لگائے جائیں گے اور لنگر  اور پانی کی سبیلیں لگائی جائیں گی۔