راولپنڈ ی(اپنے سٹاف رپورٹر سے)کینٹ بورڈ ہارٹیکلچر ڈیپارٹمنٹ کے زیر انتظام رواں موسم بہار کی شجرکاری مہم زور و شور سے جاری ہے تمام پودے ہارٹیکلچر کے بنائے گئے ڈیزائن کے مطابق  مخصوص اور مجوزہ جگہوں پر لگائے گئے ہیں ترجمان کینٹ بورڈ کے مطابق گرین بیلٹس کے علاوہ مال روڈ، ویسٹر یج، راجہ اکرم روڈ،مصریال روڈ، شیر خا ن روڈ اور چاکرہ کے علاقوں، شاہراہوں کی درمیانی پٹی،نالوں کے کناروں اور کھلے میدانوں میں لگائے جاچکے ہیں سی ای او سید علی عرفان رضوی کا کہنا ہے کہ مہم کے دوران لگائے جانے والے پودوں میں زیادہ تر ماحول دوست سدا بہار اور سر سبز رہنے والے، پھول دار اور پھل دار پودے شامل ہیں۔ اس شجرکاری مہم کے نتیجے میں نہ صرف کینٹ کے علاقوں کی شادابی اور خوبصورتی میں اضافہ ہوگا ۔