ورلڈ ٹی ٹونٹی 2014 کے لوگو کی رونمائی

ٍٍڈھاکہ (سپورٹس ڈیسک )ورلڈ ٹی ٹونٹی 2014ءکے لوگو کی رونمائی کردی گئی۔ ایونٹ کی میزبانی کے فرائض بنگلہ دیش انجام دے گا۔ بنگلہ دیش کے شہر ڈھاکہ میں اگلے سال ہونے والے ورلڈ ٹی ٹونٹی کے لوگو کی رونمائی کی گئی۔ لوگو کا ڈیزائن بنگلہ دیش میں چلنے والے رکشوں سے ملتا جلتا رکھا گیا ہے۔ تقریب میں آئی سی سی کے نائب صدر مصطفی کمال اور بنگلہ دیش کرکٹ بورڈ کے صدر نظم الحسن بھی موجود تھے۔سولہ مارچ سے چھ اپریل دوہزار چودہ تک جاری رہنے والے ٹورنامنٹ میں سولہ ٹیمیں شرکت کریں گی۔ ایونٹ کی میزبانی بنگلہ دیش کے چار سٹیڈیمز کریں گے۔ آئی سی سی کے نائب صدر مصطفی کمال کا کہنا تھا کہ ایونٹ میں ایک سال سے بھی کم وقت رہ گیا ہے۔ اس لئے بنگلہ دیش کو تیاریوں کا آغاز کر دینا چاہیے۔