ملک و قوم کا وقار دائو پر لگانیوالے سیاستدان خونی انقلاب کیلئے تیار ہوجائیں: جمشید دستی

آزادرکن قومی اسمبلی جمشید دستی نے کہا ہے کہ ملک اور قوم کا وقار دائو پر لگانے والے سیاستدان عوام کے خونی انقلاب کیلئے تیار ہو جائیں۔ وہ اتوار کو حبیب اللہ جوئیہ کی رہائش گاہ پر میڈیاسے گفتگو کررہے تھے۔ قبل ازیں انہوںنے میانوالی کے جناح حال میں کالا باغ ڈیم کے حوالے سے ’’قلم برائے امن‘‘کے تحت منعقدہ سیمینار میں شرکت کی۔ واپسی پر حبیب جوئیہ کے گھر ’’ٹی پارٹی‘‘میں شرکت کی۔ انہوںنے کہا جنوبی پنجاب کی محرومیاں ختم کرنے کے دعویدار میاں برادران اب پورے پنجاب کو مسائل کی دلدل میں دھکیل چکے ہیں۔