لاہور (نامہ نگار) صوبائی دارالحکومت میں چھٹی کے دن منچلے موٹر سائیکلوں پر ون ویلنگ  اور خطرناک کرتب کرتے رہے جبکہ پولیس قابو پانے میں ناکام و بے بس رہی تفصیلات کے مطابق صوبائی دارالحکومت کی مختلف سڑکوں پر گزشتہ روز نوجوان موٹر سائیکل پر ون ویلنگ  اور ریس لگاتے رہے۔ اہم شاہراہوں پر لڑکے ٹولیوں کی صورت میں موٹر سائیکلوں پر ونگ ویلنگ خطرناک کرتب کرتے اور ریس لگاتے  دکھائی دیئے۔ پولیس ون ویلنگ کو روکنے میں مکمل طور پر ناکام رہی۔ ون ویلنگ کرنے والے منچلوں  کی جانب سے فیملیز سے بدتمیزی اور خواتین سے چھیڑخانی کرنے کے واقعات بھی بڑھ رہے ہیں۔ اس صورتحال پر شہریوں نے شدید احتجاج کرتے ہوئے اعلیٰ حکام سے نوٹس لینے کی اپیل کی۔