نشترپارک سپورٹس کمپلیکس کا ٹینس کورٹ قرنطینہ سنٹر میں تبدیل

لاہور( سپورٹس رپورٹر)سپورٹس بورڈ پنجاب نے سٹی ڈسٹرکٹ گورنمنٹ اور محکمہ صحت کے تعاون سے نشتر پارک سپورٹس کمپلیکس کے ٹینس کورٹ کے ہاسٹل میں کرونا وائرس کے مریضوں کے لئے قرنطینہ سنٹر قائم کردیا ہے جہاں ملتان سے لائے گئے 67 افراد کو منتقل کردیا گیا ، ڈائریکٹر جنرل سپورٹس پنجاب عدنان ارشد اولکھ نے کہا ہے کہ کورونا وائرس سے بچائو کے لئے ہم سب مل کر کام کررہے ہیں، کرونا وائرس سے ڈرنا نہیں اس سے لڑنا ہے، عوام حکومتی ہدایات پر عمل کرتے ہوئے کورونا وائرس سے محفوظ رہ سکتے ہیں۔