راولپنڈی (اپنے سٹاف رپورٹر سے)قومی کرکٹر سہیل تنویرنے پولیس ہیڈ کوارٹرزراولپنڈی کا دورہ کیااورسٹی پولیس آفیسر محمد احسن یونس سے ملاقات کی ،سی پی اوراولپنڈی نے کرکٹر سہیل تنویر کو شہدا کلینڈر پیش کیا،اس موقعہ پر سہیل تنویر کاکہناتھاکہ جھنڈے چیچی کا رہائشی تھا ،یہی پلا بڑھا اور پولیس لائنز میں کرکٹ کھیل کر آج اس مقام پر ہوں، پولیس حقیقتاً تبدیل ہو رہی ہے جو ہم سب کے لیے خوشی کا باعث ہے،سہیل تنویر نے سی پی او کو خراج تحسین پیش کرتے ہوئے کہاکہ مجھے خوشی ہے کہ آپ کی کمانڈ میں پولیس لائنز کا نقشہ ہی تبدیل ہوگیا ہے، سہیل تنویر نے سی پی او احسن یونس کو شرٹ پیش کی،سہیل تنویر کی خواہش پر پولیس لائنز میں سی پی او احسن یونس کی طرف فور س کے لیے کیے گئے اقدامات اور پراجیکٹس دکھائے گئے،سہیل تنویر کھلی کچہری میں شہریوں سے بھی ملے۔