بھٹو نے عالمی استعماری طاقتوں کی آنکھوں میں آنکھیں ڈال کر بات کی: اعجاز چیمہ

گکھڑمنڈی(نامہ نگار) حلقہ این اے 79 کے ٹکٹ ہولڈر اور پی پی پی کے سینئر رہنما چوہدری اعجاز احمد چیمہ ایڈووکیٹ آف کوٹ نورا نے اپنی رہائش گاہ پر سابق وزیراعظم ذوالفقار علی بھٹو شہید کی 43 ویں برسی پرقرآن خوانی کرائی۔ تقریب میں ممتاز بھٹو، آصف محمود رانا ، سابق ایم پی اے سعود الحسن ڈار ، قاری تنویر الحسن مجددی ، سینئر کارکن محمد یونس علوی اور متعدد نظریاتی کارکن شریک تھے۔ اعجاز چیمہ نے اس موقع پر اظہار خیال کرتے ہوئے کہا کہ بانی پاکستان محمد علی جناح کے بعد تاریخ پاکستان میں ذوالفقار علی بھٹو سے زیادہ عالمی تدبیر رکھنے والا قومی عصبیت کیساتھ استعاری طاقتوں کی آ ّنکھوں میں آنکھیں ڈال کر بات کرنے والا کوئی رہنما نہیں ملا ،یہ شہید کی سیاست کا ہی نتیجہ ہے پی پی پی کا نظریاتی ورکر سب سے زیادہ جمہوریت پرست ہے ۔