کراچی(کامرس رپورٹر)دھابیجی سمیت واٹر بورڈ کے تمام بڑے پمپنگ اسٹیشنز پر بجلی بحال ہے۔ دھابیجی پمپنگ اسٹیشن پر آنے والے بجلی کے تعطل کو فوری بحال کیا گیا۔دھابیجی پمپنگ اسٹیشن پر متبادل ذرائع سے بجلی کی فراہمی جاری ہے۔ ترجمان کے الیکٹرک کے مطابق ادارے کی جانب سے واٹر بورڈ کے دھابیجی سمیت تمام بڑے پمپنگ اسٹیشنز کو لوڈشیڈنگ سے مستثنیٰ رکھ کر متواتر بجلی فراہم کی جاتی ہے تاہم واٹر بورڈ کی تنصیبات پر کسی بھی فالٹ کی بروقت درستگی کے حوالے سے کے الیکٹرک کا عملہ کے ڈبلیو ایس بی کے نمائندوں کے ساتھ رابطے میں رہتا ہے تاکہ بروقت معاونت فراہم کی جاسکے۔