قصبہ گوندلانوالہ کا ڈسپوزل خراب ،گلیاں تالاب بن گئیں ،گزرنا محال

قلعہ دیدار سنگھ (نامہ نگار )قصبہ گوندلانوالہ کے محلہ تالاب والا میں ہر بازار گلی تالاب بن گئی۔ ڈسپوزل کی خرابی پر پانی ہی پانی جمع ہو گیا راہگیروں کا گزرنا محال مچھر کی بھرمار بدبودار پانی کی وجہ سے سانس لینا دشوار،انتظامیہ کی نااہلی پر معززین علاقہ کا احتجاج۔تفصیلات کے مطابق قصبہ گوندلانوالہ کے محلہ تالاب والا اور ودیگر علاقوں میں ڈسپوزل کی خرابی کی بنا پر گزشتہ دنوں سے ہر گلی کوچے میں پانی نظر آ رہا ہے۔جس کی وجہ سے راہگیروں کا گزرنا مشکل اور نمازیوں کا مساجد میں جانا ناممکن ہو گیا ہے۔علاقہ معززین نے ڈپٹی کمشنر گوجرانوالہ سے اپیل کرتے ہوئے کہا متعلقہ انتظامیہ کو گوندلانوالہ قصبہ کی صفائی اور پانی کے نقاص کے احکامات جاری کیے جائیں تاکہ گوندلانوالہ کے عوام بیماریوں سے بچ سکیں۔