کامیاب میزائل فائرنگ کیساتھ ہی آرمی ایئر ڈیفنس مشق البیضہ دوئم بھی اختتام پذیر ہو گئیں۔آئی ایس پی آر کے مطابق چیئرمین جوائنٹ چیفس آف سٹاف کمیٹی کو مشق کے مقاصد سے متعلق بریفنگ دی گئی،چیئر مین جوائنٹ چیفس آف سٹاف کمیٹی جنرل ندیم رضا نے چینی سفیر نونگ رونگ اور ایئر چیف ظہیر احمد سدھو کے ہمراہ ایئر ڈیفنس رینجز کراچی کا دورہ کیا۔آئی ایس پی آر کی طرف سے جاری کردہ بیان کے مطابق چیئر مین جوائنٹ چیفس آف سٹاف کمیٹی جنرل ندیم رضا نے آرمی ایئر ڈیفنس رینجز کراچی کا دورہ کیا۔ ایئرچیف مارشل ظہیر احمد بابر سدھو اور چین کے سفیر نونگ رونگ بھی موجود تھے۔جنرل ندیم رضا نے ایئر ڈیفنس کے مختلف ہتھیاروں کی فائرنگ کا معائنہ کیا۔ فائرنگ کا مظاہرہ مشقوں البیضہ دوئم کی اختتامی کے تقریب سے موقع پر کیا گیا، ان میزائل میں ایل وائے 80اور ایف ایم 90 میزائل بھی شامل تھے۔ ہتھیاروں میں زمین سے فضا میں مار کرنے والے میزائلوں کی فائرنگ بھی شامل تھی ۔  چیئرمین جوائنٹ چیفس آف سٹاف کمیٹی نے مشقوں میں حصہ لینے والے افسروں اور جوانوں کی بہترین کارکردگی کو سراہا۔  چیئر مین جوائنٹ چیفس آف سٹاف کمیٹی جنرل ندیم رضا کو مشقوں کے مقاصد طریقہ کار کے بارے میں تفصیلی بریفنگ دی گئی۔