کراچی (کلچرل ڈیسک )سرحدوں کے دونوں طرف سے بے شمار محبتیں اور تعریفیں سمیٹنے والے زندگی کے منفرد اسٹوری لائن پر مبنی مسز اینڈ مسٹر شمیم کے ہر سو چرچے ہیں۔صبا قمر اور نعمان اعجاز کے مرکزی کرداروں کے ساتھ یہ ویب سیریز حال ہی میں ZEE5پر شروع ہوئی ہے۔ مسز شمیم کاکردارکرنے والی صبا کی سالگرہ کے موقع پر زندگی نے ویب سیریز کے OSTکی میوزک ویڈیو 'اج لگیااے پتہ' ریلیز کی ہے۔سمیع خان کی دھن اور فریحہ پرویز کی ا?واز میں دلکش دھن اور خوبصورت بولوں کے ساتھ یہ نغمہ سننے والوں کے دل موہ لینے والا ہے۔ اس میں عمینہ اور شمیم کے درد اور دل ٹوٹنے کے احساس کو عمدگی کے ساتھ پیش کیا گیا ہے۔صبا قمر نے انسٹا گرام پر اپنے خیالات کا اظہار کرتے ہوئے کہا،" کچھ لمحات ایسے ہوتے ہیں جب حقیقت ا?پ کے سامنے ا?شکار ہوتی ہے اور اس احساس کو لفظوں میں ڈھال دیا جائے تو ایسا نغمہ وجود میں ا?تا ہے۔ یہ دلکش نغمہ عمینہ کے جذبات کی صحیح عکاسی کرتا ہے۔ واقعی یہ سالگرہ کا بہترین تحفہ ہے۔"کاشف نثار اور مصباح شفیق کی پروڈکشن مسز اینڈ مسٹر شمیم ایک غیر معمولی لو اسٹوری ہے جو دونوں کے درمیان ہرچیز بڑھتی جاتی ہے اور دوستی سے رفتہ رفتہ پیار کے خالص بندھن میں بدل جاتی ہے۔