باجوڑ: بم دھماکہ، پولیس اہلکار شہید، نوکنڈی، افغان بارڈر پر ڈاکوؤں کی فائرنگ، ڈرائیور جاں بحق

نوکنڈی باجوڑ (نوائے وقت رپورٹ) نوکنڈی میں پاک افغان سرحد پر ڈاکوؤں نے گاڑی پر فائرنگ کر دی جس سے گاڑی کا ڈرائیور جاں بحق ہو گیا۔ لیویز حکام کے مطابق قبائلیوں کی مدد سے دو ڈاکوؤں کو گرفتار کر کے تفتیش جاری ہے۔ دریں اثناء باجوڑ کی تحصیل ماموند میں سڑک کنارے بم دھماکے میں ایک پولیس اہلکار شہید ایک زخمی ہو گیا۔ ڈی ایس پی کے مطابق دھماکہ ریموٹ کنٹرول ڈیوائس کے ذریعے کیا گیا ہے۔