قصور (نمائندہ نوائے وقت) متعدد وارداتوں میں کئی شہری لٹ گئے۔ تھانہ صدر قصور میں عدنان نے اطلاع دی ہے کہ کیلو سٹاپ کے قریب ڈاکوؤں نے موٹر سائیکل،20ہزار روپے، موبائل و دیگر سامان چھین لیا ہے۔ تھانہ راجہ جنگ میں عامر نے اطلاع دی ہے کہ ڈاکوؤں نے میری موٹر سائیکل، نقدی و دیگر سامان چھین لیا اور عبدالرشید نے بھی اطلاع دی کہ ملوکی ڈرین کے قریب ڈاکوؤں نے موٹر سائیکل،نقدی،موبائل وغیرہ لوٹ لیے ہیں۔ تھانہ سٹی پھولنگر میں افضل نے اطلاع دی ہے کہ بائی پاس کوٹ رادھا کشن کے قریب تین ڈاکوؤں نے موٹر سائیکل و دیگر سامان لوٹ لیا۔ تھانہ کھڈیاں میں شفیق عامر نے اطلاع دی کہ منڈی ڈھولن کے قریب ڈاکوؤںنے مجھ سے موٹر سائیکل،کیش اور موبائل چھین لیا۔ تھانہ کھڈیاں میں فرزانہ بی بی نے اطلاع دی کہ قلعہ گنجہ میرے گھر کی دیوار پھلانک چور طلائی زیورات، 1.5لاکھ روپے و دیگر سامان لے گئے۔ تھانہ صدر چونیاں میں علی نے اطلاع دی کہ روسہ ٹبہ کے قریب دوڈاکوؤں نے موٹر سائیکل اور موبائل چھین لیا۔ تھانہ سٹی پتوکی میں مدثر نے اطلاع دی ہے کہ روڈ بائی پاس پر میری دکان سے چور جنریٹر،کمپریسر،ائر ٹینک ودیگر سامان لے گئے۔ تھانہ الہٰ آباد میں ندیم نے اطلاع دی ہے کہ نجی ہوٹل دیپالپور سے دو ڈاکوؤں نے ایک لاکھ روپے و دیگر سامان لوٹ لیا۔ تھانہ کوٹ رادھا کشن میں غلام سرو ر نے اطلاع دی کہ بھمبہ کلاں کے قریب پانچ ڈاکوؤں نے 3.5 لاکھ روپے لوٹ لئے۔ پولیس مقدمات درج کرکے مصروف تفتیش ہے۔