ڈاکو گھر سے،ملکی و غیر ملکی کرنسی ، زیورات ،ایک کروڑ روپے مالیتی ہیرے لوٹ کر فرار 

اسلام آباد(اپنے سٹاف رپورٹر سے)تھانہ بنی گالہ کے علاقہ نیو آبادی غوث اعظم روڈپر دو مسلح ڈاکو ایک گھر میں گھس کر ڈکیتی کی واردات میں چار کروڑ روپے سے زیادہ مالیتی ،ملکی و غیر ملکی کرنسی ،35 تولہ وزنی طلائی زیورات ،ایک کروڑ روپے مالیتی ہیرے ،پون کروڑ مالیتی دس گھڑیاں لوٹ کر فرار ہوگئے پولیس کو عبداللہ حسن نے بتایا کہ مجھے رات دو بجکر 12 منٹ پر میرے کک انور نے کال کرکے بتایا کہ عبداللہ بھائی جلدی آئیں گھر میں ڈاکو آگئے ہیں جس پر میں ایف الیون سے پہنچاکک نے بتایا کہ میں سحری کیلئے اٹھا تو دو مسلح ڈاکوئوں نے مجھے پکڑا اورآنکھوں پر پٹی باندھ دی ڈاکو میرے گھر سے 35 تولے سونا، ایک کروڑ مالیت کے ہیرے ، 75 لاکھ روپے مالیت کی دس گھڑیاں ،15 ہزارڈالراوردو لاکھ روپے کے پرفیوم اور دراز میں سے ساڑھے تین لاکھ روپے لوٹ کر فرار ہوگئے۔ تھانہ سیکرٹریٹ کو محمد نے بتایا کہ موبائل فون موٹرسائیکلARZ-1447اور3000روپے چھین لئے،تھانہ کوہسار کو میجر ریٹائرڈ محمد عمیر اشرف نے بتایا کہ قیمتی اشیا چوری ہو گئیں،تھانہ سمبل کو اجد سہیل نے بتایا کہ طلائی زیورات چوری ہو گئے،تھانہ آئی نائن کو منظور احمد نے بتایا کہ موتڑ سائیکلBLR-210چھین لیا گیا، تھانہ سبزی منڈی کو عدیل مسیح نے بتایا کہ موٹر سائیکل یو نائیٹڈ اپلائیڈ فار چھین لیا گیا۔
، تھانہ شمس کالونی کو ظفر حسین نے بتایا کہ موبائل فون چوری ہو گیا، تھانہ نون کو مجیب اللہ نے بتایا کہ 80000روپے چھین لئے گئے،تھانہ شہزاد ٹان کو یاسر ستی نے بتایا کہ عثمان وغیرہ نے قیمتی سامان چوری کرلیا، تھانہ شہزاد ٹان کو عثمان ساجد نے بتایا کہ موبائل فون چوری ہو گیا،تھانہ کھنہ کو محمد لطیف نے بتایا کہ طلائی زیورات موبائل فون اوررقم چوری ہو گئی،تھانہ کھنہ کو تیمور علی نے بتایا کہ موبائل فون اور 15000روپے چھین لئے گئے،تھانہ کھنہ کو رائے وحید اصغر نے بتایا کہ موبائل فون اور10لاکھ روپے چھین لئے گئے