واشنگٹن (آئی این پی ) امریکی صدر جوبائیڈن نے یرغمالیوں کی رہائی کے معاہدے پر حماس پر دبا بڑھانے کے لیے مصر اور قطری رہنماں کو خط لکھ دیا۔ غیر ملکی  میڈیا کے مطابق قاہرہ میں ہونے والے مذاکرات سے قبل امریکی صدر جو بائیڈن نے مصری اور قطری رہنماوں سے حماس کو اسرائیل کے ساتھ معاہدے پر راضی کرنے میں مدد کی درخواست کرنے کے لیے خط بھیج دیا۔ امریکہ، مصر اور قطر غزہ میں عارضی جنگ بندی اور اسرائیلی جیلوں میں قید فلسطینی قیدیوں کے بدلے حماس کے ہاتھوں یرغمالیوں کی رہائی کے لیے کئی ہفتوں سے خفیہ مذاکرات کررہی ہے۔