اسلام آباد (اے پی پی) پاکستان کبڈی فیڈریشن کے زیراہتمام جاری انگلینڈ کبڈی کپ کی تیاری کے لئے قومی ٹیم کا تربیتی کیمپ کل پاکستان سپورٹس کمپلیکس، اسلام آباد میں اختتام پذیر ہوگا۔ اور انگلینڈ کبڈی کپ میں شرکت کیلئے قومی کبڈی ٹیم 9 اگست کو روانہ ہوگی۔ پاکستانی کبڈی فیڈریشن کے حکام کے مطابق ایک روزہ انگلینڈ کبڈی کپ 10 اگست کو برطانیہ میں کھیلا جائیگا۔ کیمپ میں نو کھلاڑی تربیت حاصل کر رہے ہیں جن میں محمد منشائ، محمد عرفان، خلیل احمد، بابر وسیم، شفیق احمد، وقاص احمد بٹ، اکمل شہزاد ڈوگر، محمد اسلم ڈوگر اور محمد سیف اللہ شامل ہیں۔