کراچی (سٹاف رپورٹر) شاہین ایئر انٹرنیشنل کی پرواز نمبر این ایل 891‘ 200 سے زائد پاکستانیوں کو لے کر چین کے شہر گوانگزو سے وطن واپس پہنچ گئی مذکوہ پرواز لاہور ایئر پورٹ پر سہ پہر 4:30 بجے اتری۔ پرواز کے لاہور پہنچنے پر شاہین ایئر کے ڈائریکٹر مارکیٹنگ زوہیب حسن نے کہاکہ عدالتی حکم کے مطابق ہم چین کے شہر گوانگزو میں موجود اپنے لوگوں کو واپس لے آئے ہیں جو وہاں 29 جولائی سے تھے تمام مسافر جن میں 185 بڑے‘ 27 بچے اور 2 شیر خوار بچے شامل ہیں‘ بحفاظت لاہور پہنچ چکے ہیں ہم اپنے مسافروں سے تکلیف کےلئے معذرت خواہ ہیں۔ زہیب حسن نے کہا ہم سول ایوی ایشن کے انتہائی شکر گزارہیں کہ انہوں نے ایسے نازک وقت پر ہماری مدد کی اور گوانگزو میں پھنسے ہمارے مسافروں کی تکلیف کو سمجھا۔
شاہین ایئر/ مسافر واپس