وزارت عظمیٰ کیلئے شہباز شریف کی نامزدگی پیپلزپارٹی کی فراخدلی کی انتہاء ہے: قمر واہگہ

شیخوپورہ(نمائندہ نوائے وقت) پیپلز پارٹی کے ضلعی رہنما چوہدری منیر قمر واہگہ نے کہا ہے کہ جس طرح میاں رضا ربانی نے بطور چیئر مین سینٹ ایوان بالا کو انتہائی منظم اور بہتر طریقے سے چلایا تھا بالکل اسی طرح اب خورشید شاہ ،اسپیکر قومی اسمبلی منتخب ہوکر اپنا بہترین اور مثبت کردار ادا کریں گے ،متحدہ اپوزیشن اس وقت اقتدار میں کرنے کی بھی پوزیشن میں ہے تاہم ہمارے قائد آصف علی زرداری اور بلاول بھٹو انتہائی تحمل اور بردباری کا مظاہرہ کررہے ہیں انہوں نے کہاکہ وزارت عظمیٰ کی اہم سیٹ کیلئے شہباز شریف کی نامزدگی پیپلز پارٹی کی فراخدلی کی انتہاہے کیونکہ یہی وہ شخص ہیں جو ہمارے قائد کو سڑکوں پر گھسیٹنے کا دعویٰ کرتے تھے۔