واشنگٹن(اے پی پی) روس کی نامور ٹینس سٹار سوتیلانا کزنٹسوا نے سٹی اوپن ٹینس ٹورنامنٹ کا ویمنز سنگلز ٹائٹل جیت لیا۔ انہوں نے فائنل میں دلچسپ مقابلے کے بعد اور ڈونا ویکک کو شکست دیکر ٹورنامنٹ اپنے نام کرلیا۔ امریکہ میں جاری ایونٹ میں کھیلے گئے ویمنز سنگلز فائنل میں روسی کھلاڑی سوتیلانا کزنٹسوا نے عمدہ کارکردگی کا مظاہرہ کرتے ہوئے کروشین کھلاڑی ڈونا ویکک کو 4-6، 7-6(9-7) اور 6-2 سے شکست دے کر ٹورنامنٹ جیت لیا۔