لاہور(سپورٹس رپورٹر) قومی انڈر19ویمنز فٹبال چیمپئن شپ میں گلگت بلتستان نے خیبر پختونحوا کو چار صفر سے شکست دیدی،انمول ہیرا نے 2گول داغ دیئے۔دوسرے میچ میں ماڈل ٹائون اکیڈمی ٹیم نے ینگ رائزنگ سٹار راولپنڈی کو دس صفر سے آئوٹ کلاس کردیا،رامین اور دعا گیلانی نے 4، 4گول کئے۔ تفصیلات کے مطابق سٹی سکول گراونڈ پر کھیلے گئے میچ میں گلگت بلتستان ٹیم نے ابتدا میں ہی جارحانہ حملے کرتے ہوئے چند اچھی مووز بنائیں۔دوسرے میچ میں ماڈل ٹائون اکیڈمی ٹیم نے ینگ رائزنگ سٹار راولپنڈی کو دس صفر سے آئوٹ کلاس کردیا۔ دعا گیلانی نے 21ویں منٹ میں کھاتہ کھولا، اس کے بعد رامین نے پہلا ہاف ختم ہونے سے قبل اور بعد ایک ایک گول کیا،چند لمحے بعد ہی جویریہ نے بال کو جال میں پھینکا تو دعاگیلانی بھی پیچھے نہ رہیں،رامین کے بعد جویریہ نے مسلسل دوبار حریف کا دفاع پاش پاش کیا۔آخری لمحات میں رامین اور جویریہ نے مزید ایک ایک گول داغ دیا۔