لاہور(سپورٹس رپورٹر+نمائندہ سپورٹس)قومی انڈر 19 کرکٹ ٹیم کے انتخاب کیلئے ٹرائل میچز اپنے اختتام کو پہنچ گئے۔نوجوان کھلاڑیوں نے میچز کو بہترین کاوش قرار دیدیا۔ ایل سی سی اے گراونڈپر ہونے والے دو میچز میں قومی جونیئر سلیکشن کمیٹی نے کھلاڑیوں کی کارکردگی کا جائزہ لیا۔ ٹرائل میچز میں ملک بھر سے ریجنل اکیڈمیز کے منتخب کھلاڑیوں کو مختلف صورت حال میں کھلا کر ان کی کارکردگی کا جائزہ لیا گیا۔ قومی جونیئر چیف سلیکٹر سلیم جعفر کا کہنا تھا کہ کوشش ہے ایشیا کپ اور ورلڈکپ کیلئے متوازن ٹیم تشکیل دیں۔ آئندہ دو سے تین روز میں جونیئر ایشیا کپ کے لئے سکواڈ تیار کرکے پی سی بی کو بھجوادیں گے۔