20سالہ نامعلوم نوجوان ٹرین کی زد میں آکر جاں بحق

لاہور(نامہ نگار)کوٹ لکھپت ریلوے اسٹیشن کے قریب20 سالہ نوجوان ٹرین کی زد میں آکر ہلاک ہو گیا ہے۔تفصیلات کے مطابق کراچی  ایکسپرس کراچی سے لاہور آرہی  تھی۔کوٹ لکھپت ریلوے سٹیشن کے قریب 20 سالہ نامعلوم نوجوان ریلوے لائن عبور کرتے ہوئے ٹرین کی زد میں آ گیااور موقع پر ہی دم توڑ گیا۔متوفی نوجوان کی تاحال شناخت نہیں ہو سکی ہے۔اطلاع ملنے پر پولیس نے موقع پر پہنچ کر لاش کوپوسٹ مارٹم کے لئے مردہ خانے منتقل کردیا۔