فیروزوالہ (نامہ نگار )جی ٹی روڈ پر ٹریفک حادثات میں کانسٹیبل سمیت 3افراد جاں بحق اور 6زخمی ہوگئے۔ بتایا گیا ہے کہ  کالا خطائی روڈ پر تیز رفتار ویگن نے ہیڈ کانسٹیبل کو روند ڈالا‘ بعدازاں ہیڈ کانسٹیبل محمد احسان ہسپتال میں دم توڑ گیا۔علاوہ ازیں کالا خطائی روڈ پر تیز رفتار ٹرک نے موٹر سائیکل سوار دو دوستوں کو روند ڈالا،جسکے نتیجہ میں نوجوان سفیان علی جاں بحق اور اس کا ساتھی شدید زخمی ہو گیا۔ اس کے علاوہ  جی ٹی روڈ پر تیر رفتار ٹرک نے سڑک کراس کرتے ہوئے راہگیرمحمد بوٹا کو روند ڈالاجو شدید زخمی ہونے کے بعددم توڑگیا۔ جی ٹی روڑ پر رانا ٹائون کے قریب تیز رفتار کار نے موٹر سائیکل سواروں کو ٹکڑ مار دی جس کے نتیجے میں2نوجوان زخمی ہو گے ۔ لاہور روڈ پر بدو ملی کے قریب بس اور رکشہ کے درمیان تصادم کے نتیجہ میں خاتون سمیت تین افراد زخمی ہو گے جن میں نسیم بی بی اور شہباز شامل ہیں جبکہ موٹر سائیکل پھسل جانے سے گر کر عابد علی اور اسی کی بیوی زخمی ہو گے ۔