لاہور(نامہ نگار)انویسٹی گیشن پولیس نے قتل کے 3مختلف مقدمات میں ملوث ملزموں کو گرفتارکر لیا ہے۔ تفصیلات کے مطابق ڈی آئی جی انویسٹی گیشن شہزادہ سلطان کی ہدایات کی روشنی میں انچارج انویسٹی گیشن شاہدرہ شبیر اعوان نے ٹیم کے ہمراہ کارروائی کرتے ہوئے شہری فرحان کے اندھے قتل کی واردات میں ملوث اس کے سگے بھائی ملزم عبدالباسط کو گرفتار کر لیا ہے۔انچارچ شاہدرہ ٹاؤن پاشا عمران نے اپنے دوست محسن علی کو قتل کرنیوالے ملزم اویس کو گرفتارکر لیا ہے۔جبکہ انویسٹی گیشن پولیس شادباغ نے 4ماہ قبل کاروباری لین دین پر 40 سالہ شہری راشد کو فائرنگ کر کے قتل کرنے والے اشتہاری ملزم وقار کو گرفتار کر لیا ہے۔