4خودکشیاں: فیروز والا میں جھگڑے پر نوجوان نے زہر کھا لیا

فیصل آباد (نامہ نگار‘ آن لائن+ صباح نیوز) حالات کے ستائے ہوئے 4افراد نے خود کشی کر لی۔ تفصیلات کے مطابق گھریلو حالات سے تنگ آکر جھنگ روڈ شاداب کالونی کے رہائشی چالیس سالہ محمد سرور ولد حافظ نے زہر نگل لیا۔ علاوہ ازیں کراچی کے علاقے کورنگی میں خاتون نے گلے میں پھندا ڈال کر خودکشی کر لی۔ ریسکیو کے مطابق عوامی کالونی کے سیکٹر سی35  میں خودکشی کرنے والی خاتون کی شناخت28 سالہ عقیلہ زوجہ ساجد کے نام سے ہوئی۔ پولیس کی جانب سے  اہلِ خانہ سے پوچھ گچھ کی جا رہی ہے۔ فیروزوالہ میں گھریلو جھگڑے پر نوجوان فیصل عباس نے زہریلی دواپی کر خود کشی کر لی بتا یا گیا ہے کہ چند روز سے فیصل عباس گھریلو حالات سے پریشان تھاحالت غیر ہونے پر اسے ہسپتال لایا گیا جہاں پر وہ دم توڑ گیا۔ پولیس نے واقعہ کی رپورٹ درج کر لی۔