ملتان (جنرل رپورٹر) سی پی او ملتان منیر مسعود مارتھ کی سربراہی میں پولیس لائنز ملتان میں پولیس ملازمین کی سائیکالوجیکل پروفائلنگ کے سیشن کا انعقاد کیا گیا۔جس کا مقصد نہ صرف ان کو درپیش مسائل کا ادراک کرنا تھا بلکہ ان کی شخصیت میں پوشیدہ صلاحیتوں کو اجاگر کرنا تھا سیشن میں ہیڈ آف ڈیپارٹمنٹ سائیکالوجی بہاالدین زکریا یونیورسٹی ڈاکٹر سروت اور ان کی ٹیم نے پرفائلنگ میں معاونت کی۔ ایس پی ہیڈ کوارٹر طلعت حبیب اور ڈی ایس پی ہیڈ کوارٹر نمرین منیر بھی سی پی او ملتان کے ہمراہ تھیں پولیس ڈیپارٹمنٹ کی طرف سے انچارج سیکیورٹی شبانہ سیف نے بطور فوکل پرسن اپنے فرائض سر انجام دے رہی ہیں سی پی او ملتان نے ایچ او ڈی سائیکالوجی ڈیپارٹمنٹ اور ان کی ٹیم کا سائیکالوجیکل پروفائلنگ میں معاونت کرنے پر ان کا شکریہ ادا کیا پہلے سیشن میں 400 جوانوں کی سائیکالوجیکل پروفائلنگ کی گئی۔سی پی او ملتان کا اس موقع پر کہنا تھا کہ سائیکالوجیکل پروفائلنگ کا یہ سلسلہ اسی طرح جاری رہے گا۔