لاہور (کامرس رپورٹر) مقامی تھوک مارکیٹ میں گزشتہ 2روز کے دوران ایک کلو چینی کی قیمت  میں ایک روپے جبکہ ایک ما ہ کے دوران درجہ اول اور درجہ سوم 16 کلو گھی کے کنستر کی قیمت میں 100روپے، درجہ  اول ایک کلو گھی کے پیکٹ کی قیمت میں 25روپے  جبکہ درجہ دوم اور  درجہ سوم ایک کلو گھی کے پیکٹ کی قیمت میں 20روپے اضافہ ہوا ہے۔ جس سے ایک کلو چینی کی زیادہ سے زیادہ قیمت 100روپے سے بڑھ کر 101روپے اور ایک کلو چینی کی کم سے کم قیمت 99روپے 50پیسے سے بڑھ کر 100روپے 50پیسے ہو گئی ہے۔ اسی طرح درجہ اول 16کلو گھی کے کنستر کی قیمت 4750روپے سے بڑھ کر 4850روپے، درجہ سوم 16 کلو گھی کے کنستر کی قیمت 4650روپے سے بڑھ کر 4750روپے ہوگئی۔ درجہ  اول ایک کلو گھی کے پیکٹ کی قیمت 300روپے سے بڑھ کر 325روپے، درجہ دوم ایک کلو گھی کے پیکٹ کی قیمت 280روپے سے بڑھ کر 300روپے اور   درجہ سوم ایک کلو گھی کے پیکٹ کی قیمت 270روپے سے بڑھ کر 290روپے ہو گئی ہے۔