فیض آباد فیڈر سے بجلی کی فراہمی 18گھنٹے معطل،عوام پریشان

نصیرآباد(نامہ نگار)فیض آباد فیڈر پر مشتمل مختلف علاقوں میں 24 گھنٹے میں صرف 6گھنٹے بجلی دی جاتی ہے جبکہ 18 گھنٹے غائب رہتی ہے ۔مقامی افراد نے کہا کہ مختلف ٹائم 6 گھنٹے میں بھی بجلی کی آنکھ مچولی جاری رہتی ہے علاقہ مکینوں کا کہنا ہے کہ اکثر اوقات میں فیض آباد فیڈر کو خان کوٹ کے قریب لائن بند کر دیا جاتا ہے جبکہ عمرانی شاخ کے مختلف علاقوں میں بجلی کی عدم سہولت پر سخت گرمی اور حبس میں علاقے کے عوام کو سخت دشواری کا سامنا ہے۔ایکسیئن واپڈا نصیرآباد سے پرزور اپیل کی جاتی ہے کہ فیض آباد فیڈر پر واپڈا اوستہ کی جاری من مانیوں اور نا انصافیوں کا فوری نوٹس لیتے ہوئے عوام کو بجلی کی مناسب سہولت فراہم کی جائے۔