لاہور(کامرس رپورٹر)عالمی شہرت یافتہ سمارٹ فون برانڈ ویوو نے اپنی Yسیریز میں نئے سمارٹ فون ویوو Y02t کا اضافہ کر دیا۔ ویوو اپنے نو جوان صارفین کو وسیع پرائس رینج میں جدت اور بہترین فیچرز سے آراستہ سمارٹ فونز فراہم کرنے کے لئے کوشاں ہے اور  Y02tکو متعارف کروانا اسی مقصد کی تکیمل کی جانب اہم پیش رفت ہے۔ ویوو Y02t کوخوبصورت فل مون کیمرہ  ڈیزائن کے ساتھ ساتھ دن بھر کے تمام کام باآسانی مکمل کرنے والی 5000mAh کی بڑی بیٹری،4GB  ریم اور 64GB   کی بڑی سٹوریج سے آراستہ کیا گیا ہے۔ ویوو Y02t میں 6.51انچ کا  HD+ڈسپلے دیا گیا ہے جس سے سکرین دیکھنے کا لطف دوبالا ہوجاتا ہے۔ اس سمارٹ فون کا فلیٹ فریم کے ساتھ پر کشش 2.5Dیونی باڈی  ڈیزائن نہ صرف دکھنے میں خوبصورت ہے بلکہ گرفت میں بھی آرامدہ ہے۔ طاقتور اور تیز ترین کارکردگی کو یقینی بنانے کے لئے ویوو Y02t کو MediaTek Helio P35 پراسیسر سے آراستہ کیا گیا ہے۔اس سمارٹ فون میں 4GB+4GB اکسٹینڈڈ ریم اور 64GB  کی بڑی سٹوریج موجو د ہے۔ ان جدید فیچرز کی بدولت صارفین اس سمارٹ فون کے ذریعے باآسانی اپنی پسندیدہ مویز کی سٹریمنگ اور میوزک سننے کے ساتھ ساتھ اپنے زندگی کے یادگار لمحات کو میموری ختم ہونے کی فکر سے آزاد ہو کر محفوظ کر سکتے ہیں۔ مزید اس ڈیوائس میں صارفین کے لئے  فوٹوگرافی اور سیلفی کھینچنے کے تجربے کو اوربھی بہتر  بنانے کے لئے  8میگا پکسل ریئر اور 5 میگا پکسل فرنٹ کیمرہ دیا گیا ہے۔ نیز خوبصورت پوٹریٹس بنا نے کے لئے اس سمارٹ فون میں Bokeh Modeدیا گیا۔ اس منفرد فیچر میں کمال کا Bokehالگورتھم ہے جو بنیادی آبجیکٹ کی شناخت کر کے بہترین پوٹریٹس بنا نے میں مدد دیتا ہے۔ اس کے علاوہ Y02t  میں روزمرہ کی تصویرکشی کو پرلطف بنانے کے لیے Face Beautyاور Time-Lapseجیسے جدید اور دلچسپ فیچرز بھی دیے گئے ہیں۔ویوو Y02tدو خوبصورت رنگوں کوسمک گرے اورآرچڈ بلیو  میں  49،999 روپے کی قیمت پر پاکستان بھر میں خریداری کیلئے دستیاب ہے۔