تربت، پکنک کیلئے آنے والی 7لڑکیاں کیچ ندی میں ڈوب کر جاں بحق

تربت (نوائے وقت رپورٹ) بلوچستان کے شہر تربت میں مقامی کیچ ندی میں ڈوب کر 7 بچیاں جاں بحق ہو گئیں۔  پکنک منانے گئی 7 بچیاں ندی میں نہاتے ہوئے ڈوب کر جاں بحق ہو گئیں۔ مقامی لوگوں نے اپنی مدد آپ کے تحت بچیوں کی نعشیں ندی سے نکال کر ہسپتال منتقل کیں۔ پولیس حکام کے مطابق جاں بحق ہونے والی بچیوں کی عمریں 12 سے 16 سال کے درمیان ہیں۔ ضروری کارروائی کے بعد نعشوں کو لواحقین کے حوالے کر دیا گیا۔ جاں بحق بچیوں کی شناخت فضا بنت زبیر‘ فائزہ بنت سلیم‘ ماہ تاب بنت کریم‘ دردانہ بنت نعیم‘ بشرہ بنت غلام‘ شیرین بنت ناصر‘ ماہ زیب بنت اشرف کے ناموں سے ہوئیں۔