وفاق المدارس الشیعہ کے زیر اہتمام ضمنی امتحانات 14 اکتوبر سے شروع ہونگے

لاہور (خصوصی نامہ نگار) وفاق المدارس الشیعہ پاکستان کے زیر اہتمام ضمنی امتحانات 14 اکتوبر سے شروع ہوں گے۔ میٹرک، ایف اے، بی اے، ایم اے اسلامیات،تجویدوقرات، پیش نمازی اور حفظ القرآن کے امتحانات کیلئے داخلہ فارم جمع کروانے کی آخری تاریخ31 اگست ہے۔البتہ ڈبل فیس کے ساتھ داخلہ فارم5 ستمبر تک جمع کروائے جاسکتے ہیں۔ناظم امتحانات کے مطابق وفاق المدارس الشیعہ پاکستان سے منسلک مدارس کے طلبا و طالبات ہی امتحانات میں حصہ لے سکتے ہیں۔درجہ عامہ( میٹرک) کے پرائیویٹ امیدواروں کوملحقہ مدرسہ سے دینی تعلیم حاصل کرنے اور نصاب پر عبور حاصل ہونے کا تصدیق نامہ پیش کرنا ہوگا۔