بھارتی ریاست ہریانہ میں فسادات کے بعد مسلمانوں کے گھروں پر بلڈوزر چلا دیے گئے۔
ہریانہ کے تشدد زدہ ضلع نوح میں مسجد انہدام کی مہم کے مسلسل چوتھے روز آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی نے ہریانہ حکومت پر تنقید کرتے ہوئے کہا کہ انتظامیہ کی جانب سے غریب مسلمانوں کے خلاف یکطرفہ کارروائی کی جا رہی ہے۔ایک ٹویٹ میں اسد الدین اویسی نے کہا کہ صرف الزامات کی بنیاد پر سیکڑوں غریب خاندان بے گھر ہوگئے ہیں۔انہوں نے لال کھٹر کی قیادت والی ہریانہ حکومت پر الزام عائد کیا کہ حکومت بندوقوں کے ہمراہ آزادنہ گھومنے والے مجرموں کے سامنے جھک رہی ہے. کیا مٹی کے گھروں اور کچی آبادیوں کو منہدم کرکے اپنے آپ کو مضبوط سمجھنا بڑی بات ہے۔
सुप्रीम कोर्ट ने कहा था कि कोई भी बुलडोज़र एक्शन लेने से पहले सरकार को क़ानून की प्रक्रिया (due process) का पालन करना होगा।बिना बिल्डिंग मालिक को अपनी बात रखने का मौका दिए कोई कार्रवाई नहीं हो सकती।
— Asaduddin Owaisi (@asadowaisi) August 6, 2023
बस इल्ज़ाम की बुनियाद पर सैकड़ों ग़रीब परिवारों को बेघर कर दिया गया।भले ही संघी… https://t.co/w2V1YPOXaz
اسد الدین اویسی نے انہدام مہم سے متعلق بھارتی سپریم کورٹ کے ریمارکس کا بھی حوالہ دیتے ہوئے کہا کہ سپریم کورٹ نے کہا تھا کہ بلڈوزر کی کوئی کارروائی کرنے سے پہلے حکومت کو قانونی طریقہ کار پر عمل کرنا ہوگا۔ عمارت کے مالک کو اپنا نقطہ نظر پیش کرنے کا موقع دیئے بغیر کوئی کارروائی نہیں کی جاسکتی ہے۔
دوسری جانب مقامی انتظامیہ نے اسد الدین اویسی کے الزامات کی تردید کی ہے کہ انہدام کی جاری مہم کو ضلع نوح میں حالیہ فرقہ وارانہ جھڑپوں سے جوڑا گیا ہے۔بھارتی میڈیا کے مطابق ہریانہ کے وزیر داخلہ انل وج نے ایک پریس کانفرنس میں اشارہ دیا کہ یہ انہدام فرقہ وارانہ تشدد میں مبینہ طور پر ملوث لوگوں کے خلاف کارروائی کا حصہ تھا۔
رپورٹس کے مطابق ہریانہ کے ضلع نوح میں فرقہ وارانہ فسادات کے بعد شروع ہونے والی انہدام مہم میں مقامی انتظامیہ نے سہارا ہوٹل، یڈیکل اسٹورز، دیگر دکانوں سمیت دو درجن سے زائد عمارتوں کو منہدم کیا جا چکا ہے۔
نوح کے علاقے نلہار کے شہید حسن خان میواتی گورنمنٹ میڈیکل کالج میں پولیس کی بھاری نفری تعینات ہے۔
اس سے قبل نلہار میں کئی گھروں کو منہدم کیا گیا تھا جو اس راستے سے متصل تھے جہاں ایک جلوس پر حملہ کیا گیا تھا جب کہ جمعرات کو ہریانہ حکومت نے سرکاری زمین پر قبضہ کرنے کے الزام میں تورو میں رہنے والے تارکین وطن کی جھونپڑیوں کو مسمار کر دیا تھا۔خبر رساں ایجنسی پی ٹی آئی کے مطابق، جمعرات کی شام کو یہ کارروائی تورو قصبے میں غیر قانونی بنگلہ دیشی تارکین وطن سے تعلق رکھنے والی جھگیوں کے خلاف کی گئی جو مبینہ طور پر ہریانہ شہری وکاس پردھیکارن (ایچ ایس وی پی) کی زمین پر قبضہ کر رہے تھے۔
خیال رہے کہ ہریانہ کے ضلع نوح میں فرقہ وارانہ جھڑپیں اس وقت شروع ہوئیں جب ہجوم نے وشوا ہندو پریشد کے جلوس کو روکنے کی کوشش کی۔اس واقعے کے نتیجے میں دو ہوم گارڈس سمیت چھ افراد ہلاک ہوئے تھے جب کہ مولانا محمد سعد کے نام سے ایک امام جاں بحق بھی ہوئے تھے۔
