فیروزوٹواں: سروس روڈ پر تجاوزات کی بھر مار‘ راہگیروں کو مشکلات  

فیروزوٹواں (قاسم ریاض وٹو سے) فیروزوٹواں میں سروس روڈ پر تجاوزات کی بھر مار پیدل چلنے والے راہگیروں کو مشکلات کا سامنا ہے موٹر سائیکل یا گاڑی گزارنابھی بہت مشکل ہو چکا ہے ۔ اگر ٹھیلے یا ریڑھی والے کو راستہ دینے کا کہہ دیں تو وہ لڑائی جھگڑے پر اتر آتے ہیں کئی مرتبہ معززین علاقہ ان ریڑھی بانوں سے بے عزتی کرا بیٹھے ہیں پتہ نہیں ضلعی انتظامیہ کا کوئی نمائندہ ان سے ماہانہ فیس لیتا ہے یا کوئی رشتہ دار ہے تفصیلات کے مطابق مین اڈا اور مین بازار فیروزوٹواں سے منسلک مین روڈ کے ساتھ سروس روڈ پر سینکڑوں فروٹ والی ریڑھیاں گوشت دہی بھلوں سموسے مشروبات چکن گوشت کھلونوں سمیت دیگر کئی قسم کے سٹال لگائے بیٹھے ریڑھی بان گزرنے والے شہریوں کو راستہ نہیں دیتے جس کی وجہ سے بیمار لوگوں کے لیے ایمبولینس گزرنے سمیت معمولات زندگی کے کام کرنے میں دشواری ہو رہی ہے۔ شہریوں نے ڈپٹی کمشنر شیخوپورہ سے مطالبہ کیا ہے کہ تجاوزات کے خلاف آپریشن کریں اور ان کے خلاف مقدمات درج کروائیں۔