لیگی سینئر قیادت کیخلاف نازیبا زبان کا استعمال بند کیا جائے: چوہدری زبیر 

شرقپورشریف (نامہ نگار) پی ٹی آئی کے بانی نے ملک میں طوفان بدتمیزی پیداکر دیا ہے تین دن پہلے پی ٹی آئی ٹکٹ ہولڈارعلی اصغر منڈا نے سوشل میڈیا پر شریف فیملی کے خلاف جو زبان استعمال کی اسکی بھر پورمذمت کرتے ہیں وفاقی وزیر رانا تنویر حسین کی قیادت میں حلقے میں ترقیاتی کاموں کے جال بچھائے جا رہے ہیں اگلا الیکشن ترقیاتی کاموں کی بنیاد پر جیتیں گے ہمارے قائد رانا تنویر حسین نے ہمیشہ مخلوق خدا کی خدمت عبادت سمجھ کر کی۔ مسلم لیگ ن کی سینئر قیادت کے خلاف نازیبہ زبان استعمال کرنا بند کریں ۔ ان خیالات کا اظہار سابق چیئرمین چوہدری محمد زبیر گھگ ‘سابق ایم پی اے میاں عبدالروف ،حاجی حکیم سیلم اللہ منیر شامی نے مسلم لیگ ن کے تحصیل صدر چوہدری محمد فیصل گھگ کے فارم ہاوس میں میڈیا سے خطاب کرتے کیا ۔اس موقع پر چوہدری خالد نزیر ڈھلوں ،رانا بابر منظور ،ملک اصغر علی ‘ حاجی اسلم آرائیں کے علاوہ دیگر کارکنوں بھی موجود تھے ۔