لاہور(سپورٹس رپورٹر)چینی سکواش حکام نے لاس اینجلس اولمپکس کی تیاری شروع کردی، چین کی سکواش فیڈریشن نے پاکستان کے سابق کھلاڑی شاہد زمان سے رابطہ کرلیا۔چین نے شاہد زمان کو اولمپکس کی تیاریوں کیلئے کوچنگ کی پیشکش کردی، شاہد زمان ان دنوں دو ہفتے کے کوچنگ کیمپ کیلئے شنگھائی میں موجود ہیں۔شاہد زمان کو شنگھائی سکواش ایسوسی ایشن نے کھلاڑیوں کے کیمپ کیلئے بلایا ہے، سابق ورلڈ نمبر 17 ان دنوں امریکہ میں سکواش کی کوچنگ کررہے ہیں۔ شاہد زمان نے فوری طور پر چین کی کوچنگ کی ذمہ داری سے معذرت کی ہے، وہ 2026 کے بعد اگلے اولمپکس سے دو سال قبل چین کی کوچنگ کیلئے دستیاب ہوں گے۔ انٹرنیشنل اولمپک کمیٹی نے لاس اینجلس اولمپکس میں سکواش کو شامل کیا ہے۔