پاکستان شاہینز نے بنگلہ دیش اے کو دوسرا ون ڈے 8وکٹوں سے ہرادیا

لاہور(سپورٹس رپورٹر) پاکستان شاہینز نے ڈارون ٹور کے دوسرے ون ڈے میچ میں بنگلہ دیش اے کو 8وکٹوں سے شکست دیدی۔اس سے قبل پہلے ون ڈے میں این ٹی سٹرائیک کو چار وکٹوں سے ہرایا تھا۔ محمد حارث نے ٹاس جیت کر بنگلہ دیش اے کو بیٹنگ دی ۔بنگلہ دیش اے 24.3اوورز میں78رنز پر آئوٹ ہو گئی۔ پرویز حسین 19رنز کیساتھ ٹاپ سکورر رہے۔ عمران جونیئر نے تین‘ جہانداد خان اور مبصر خان ‘خرم شہزادنے دو دووکٹیں حاصل کیں۔ کپتان محمد حارث نے وکٹ کیپنگ میں تین کیچز کیے۔پاکستان شاہینز نے 79رنز کا ہدف 17اوورز میں 2وکٹوں پر حاصل کرلیا۔ صاحبزادہ فرحان بغیر کوئی رن بنائے آئوٹ ہوگئے ۔ عبدالفصیح اور عثمان خان نے وسری وکٹ کیلئے48 رنز کا اضافہ کیا۔عبدالفصیح 12 رنز بناکر آئوٹ ہوئے۔عثمان خان نے ناقابل شکست 39رنز بنائے۔طیب طاہر17رنز بناکر ناٹ آئوٹ رہے۔