فیروزوالہ+کاہنہ( نامہ نگاران) لاہور روڈ پر سیم نالہ کے قریب واقع پرائیویٹ کالج کے خواتین کیمپس پر 2 ڈااکو دیوار پھلانگ کر آئے اور ٹھیکیدار خرم رضا سے 4 لاکھ 47 ہزار روپے اور موبائل فون چھین کر فرار ہوگئے۔ ڈاکوؤں نے کالج کے سکیورٹی گارڈ کو بھی اسلحہ دکھا کر یرغمال بنا لیا۔ شرقپور روڈ پر ڈاکو ناکہ لگا کر چھ راہ گیروں سے نقدی موبائل اور قیمتی اشیاء چھین کر لے گئے۔جی ٹی روڈ پر ڈاکو موٹر سائیکل سوار دو سگے بھائیوں سے موٹرسائیکل نقدی اور موبائل  چھین کر فرار ہو گئے۔ ڈاکو نے اکرم سے موٹر سائیکل نقدی اور موبائل چھین لیا‘ مزاحمت پر سے تشدد کا نشانہ بنایا اورفرار ہو گئے۔ پولیس نے مقدمہ درج کر لیا۔کاہنہ کے علاقہ دھوپ سڑی کے قریب دو موٹرسائیکلوں پر سوار 5ڈاکو دن دیہاڑے غفور کریانہ سٹور میں گھس آئے اور 1لاکھ90ہزار روپے اور2موبائل فونزلوٹ کر فرار ہوگئے۔ سی سی ٹی وی فوٹیج بھی منظرعام پر آگئی ۔ پولیس نے ڈکیتی کامقدمہ درج کرنے کی بجائے392 کی دفعات کے تحت مقدمہ درج کیا جس پر دوکاندار سراپا احتجاج ہے۔ ڈاکوؤں نے بغیر نمبر پلیٹ کے موٹرسائیکلیں استعمال کی۔ سنٹرل پارک میں واقع پینٹ سٹور میں ڈاکو نے مالک شمیم اکرم سے1لاکھ25 ہزار لوٹ لئے۔ آہلو بستی کے قریب 4ڈاکووں نے فیکٹری ملازم شہزادہ گاؤں کے رہائشی دلدار اشفاق سے ایک لاکھ سے زائدکی نقدی،موبائل فون اور دیگرسامان لوٹ لیا۔