پولیس کے مطابق قائد آباد کے علاقے گلشن بونیر میں ٹارگٹڈ چھاپہ مار کارروائی کے دوران اہم ملزمان کو گرفتار کرلیا گیا۔ملزمان قتل کی متعدد وارداتوں، بھتہ وصولی، بینکوں سے نکلنے والے افراد کو لوٹنے، فیکٹریوں کے سامان سے لوڈ ٹرک کو لوٹ کر فیکٹری مالکان سے رقم وصول کرنے میں بھی ملوث ہیں۔ ملزمان کے قبضے سے اسلحہ بھی ملا ہے۔دوسری جانب رینجرز نے کھوکھرا پار میں انٹیلی جنس اطلاعات پر مشتبہ افراد کے گھروں اورٹھکانوں پر چھاپے مارے اورمتعدد افراد کوحراست میں لےلیا۔