کراچی: نامعلوم افراد نے فائرنگ کرکے پانچ گھروں میں صف ماتم بچھا دی. پولیس نے کارروائی کرکے سنگین جرائم میں ملوث دو ٹارگٹ کلرزکوگرفتارکرنے کا دعویٰ کیا ہے۔

گارڈن کے علاقے میں چڑیا گھرکے گیٹ نمبر دو کے نزدیک رکشہ سے تین افراد کی بوری بند لاشیں برآمد ہوئی ہیں، پولیس کے مطابق جس رکشہ سے لاشیں برآمد ہوئیں وہ رکشہ گزشتہ روزنبی بخش کے علاقے سے چھینا گیا تھا، ابتدائی رپورٹ کے مطابق تینوں افراد کو تشدد کا نشانہ بنانے کے بعد فائرنگ کرکے قتل کیا گیا۔ ادھرمنگھو پیرکنواری کالونی میں نامعلوم افراد کی فائرنگ سے ایک شخص ہلاک ہوگیا۔ سپرہائی وے جھونجھارگوتھ میں بھی جہانزیب نامی شخص کوگولیوں کا نشانہ بنایا گیا۔ کورنگی پانچ نمبرمیں بھی فائرنگ کی گئی جس میں ایک شخص ذخمی ہوا ہے، دوسری جانب قانون نافذ کرنے والے اداروں نے لیاقت آباد میں ٹارگٹڈ آپریشن کرتے ہوئے دو ٹارگٹ کلرزکوگرفتارکرنے کا دعویٰ بھی کیا ہے۔