وسیم اکرم نے مصباح اور اظہر کی فوری تبدیلی کی مخالفت کر دی

لاہور(آئی این پی)سابق کپتان وسیم اکرم نے ہیڈ کوچ مصباح الحق اور کپتان اظہر علی کی فوری تبدیلی کی مخالفت کردی۔پاکستان سپرلیگ کی ڈرافٹنگ تقریب میں میڈیا سے بات کرتے ہوئے وسیم اکرم نے کہا کہ آسٹریلیا کے خلاف سیریز میں شکست کے بعد جس طرح ٹی وی چینلز، اخبارات، سوشل میڈیا پر ہر بندہ ٹیم پر تنقید کرکے اپنا غصہ نکال رہا ہے، وہ درست نہیں۔