لاہور(آئی این پی)پاکستانی ایئرپورٹس پرسیکیورٹی کو موثرانداز میں جدید بنانے کیلئے برطانیہ کی جانب سے ایکسپلوسیو ڈیٹیکٹرمشینیں نصب کردی گئیں۔سول ایوی ایشن کے ذرائع مطابق برطانیہ کی جانب سے پاکستانی ایئرپورٹس پرسیکیورٹی کو موثرانداز میں جدید بنانے کیلئے ایکسپلوسیو ڈیٹیکٹرمشینیں نصب کردی گئی ہیں۔برطانیہ کی جانب سے پاکستانی ایئرپورٹس کراچی، لاہوراوراسلام آباد پر سیکیورٹی کو موثر انداز میں جدید بنانے کیلئے 18ایکسپلوسیو ڈیٹیکٹرمشینیں نصب کردی گئیں، ملک کے تین بڑے ائیرپورٹس پر نصب کی گئی ہیں۔ذرائع کے مطابق جدید مشینیں کراچی اسلام آباد اورلاہورسے صرف برطانیہ جانے والی پروازوں کیلئے ہیں ،جہاز کے لئے نقصان دہ آلات اور بارودی مواد کو جانچنے کیلئے جدید ٹیکنالوجی ایئرپورٹس پرنصب کی گئی ہے جبکہ جدید بارودی مواد اوردیگر آلات کی سرچنگ کیلئے مشینوں کی ٹرینگ کیلئے برطانوی ڈی ایف ٹی ٹیم بھی کراچی پہنچ گئی ہے۔