پہلا ٹیسٹ: نیوزی لینڈ کے ہاتھوں ویسٹ انڈیز کواننگز ‘134رنز سے شکست 

لاہور(سپورٹس ڈیسک )نیوزی لینڈ نے ویسٹ انڈیز کو پہلے ٹیسٹ میچ میں اننگز اور 134 رنز سے شکست دیدی۔ نیوزی لینڈ کے شہر ہملٹن میں نیوزی لینڈ نے پہلے ٹیسٹ میں میزبان ٹیم کو شکست دے کر ایک صفر کی برتری حاصل کر لی۔کیوی کپتان کین ولیمسن پہلی اننگز میں 251 رنز بنا کر میچ کے بہترین کھلاڑی قرار پائے۔ نیوزی لینڈ نے پہلی اننگز 7 وکٹوں پر 519 رنز بناکر ڈکلیئر کی۔جواب میں ویسٹ انڈیز کی پوری ٹیم 138 رنز پر آؤٹ ہو گئی۔ ٹم ساؤتھی نے 4 وکٹیں لیں۔فالو آن کے بعد ویسٹ انڈیز نے دوسری اننگز کا آغاز کیا تو بدقسمتی ساتھ نہ چھوڑ سکی، اور 59 اوورز میں پوری ٹیم 247 رنز بنا کر پویلین لوٹ گئی۔نیل ویگنر نے 4 وکٹیں لیں۔ جرمین بلیک ووڈ نے 104 ‘ الزری جوزف نے 86 رنز بنائے۔